«Алматы облысы білім басқармасының Балқаш ауданы бойынша білім бөлім» мемлекеттік мекемесінің «МДШО бар М.Сеңгірбаев атындағы орта мектеп» мемлекеттік  коммуналдық мекемесі

"Мектебім - мейірім мекені" атты білім күніне арналған салтанатты жиынының өткізілуі.

Мақсаты:

Жаңа оқу жылының салтанатты ашылуын ұйымдастыру және білім алушылардың білім алуға ұмтылысын, патриотизм, еңбекқорлық, жауапкершілік пен өзара сыйластық қасиеттерін қалыптастыруға ықпал ететін мерекелік және шабыттандыратын атмосфера құру.

М.Сеңгірбаев атындағы орта мектебінде 1 қыркүйек күніне орай  "Мектебім - мейірім мекені" атты білім күніне арналған салтанатты жиын өткізілді. Салтанатты  жиынға мектебіміздің ардагер ұстаздары мектеп  әкімшілігі, ұстаздар,  ата – аналар қауымы   қатысты. Жиын  барысында  Қазақстан  Республикасының    Гимні  орындалды. Ортаға алғаш рет мектеп табалдырығын аттағалы отырған  1 сынып оқушылары  шақырылды.  Жаңа оқу жылымен 1 сынып оқушыларын  мектеп  директоры  Салимбаева Айгуль Жумаханқызы  құттықтады.  Сонымен қатар  жиынға арнайы келген қонақтарымызға  да   сөз берілді.

«Білім күніне» арналған құттықтау  сөз Алматы облысының білім саласында сапаны қамтамасыз ету департаментінің Білім сапасын сырттай бағалау бөлімінің басшысы Асылбек Рақым Асылбекұлы берілді.  Салтанатты жиын барысында 1 сынып оқушылары «Білім күніне» арналған жыр шумақтарын айтып шықты.Алғашқы қоңырау соғу  салтанатына  11 сынып оқушылары  Керімқұл Ерсін және Нұра Айбибі, 1 сынып оқушылары Дауренұлы Байбатыр және Ахат Амина бірлесіп   қоңырау соқты. Салтанатты жиын кезінде келеңсіз жағдайлар орын алған жоқ. Салтанатты мерекелік жиын жоспарға сәйкес өткізілді.

Директордың тәрбие ісі жөніндегі орынбасары: Шайбаева М.Н